Dizze week bint in 26 Drentse supermarkten beurtbalkies op de kassaband te vinden met Drentse
teksten. Streektaolorganisatie Huus van de Taol wil zo wat meer Drents in het openbare leven zien
laoten en nam het initiatief veur dizze actie.
‘Veurig jaor zagen wij oeze Nedersaksische naober Martin der Denge (van u.a. streektaolplatform
Watata) dit doen in zien woonplaots Riessen. In twei supermarkten stunden streektaolteksten op de
beurtbalkies. Dat vunden wij zo’n schier idee, daw oeze streektaolambassadeurs en -vrijwilligers
vraogd hebt um ies te kieken ow daor ok in Drentse supermarkten wat met doen kunden. Wij
hadden hoopt op een stuk of 12 supermarkten, dus dat er nou 26 metan doet, daor biw gloepends
wies met, ‘aldus directeur Renate Snoeijing.
Vanmörgen bint de eerst beurtbalkies officieel op de baand zet deur René Brouwer van de Albert
Heijn in Dwingel.
Het Huus van de Taol is de streektaolorganisatie die het Drents anfietert met as doel um het een taol
te laoten weden waor de gebroekers groots op bint en die de niet-gebroekers waardeert.
