Zangeres Martijje gef in vief lessen een basiscursus Drentse liedteksten schrieven. Koorleden, muzikanten en dirigenten kunt perberen of ze een lied uut hun repertoire omzetten kunt naor het Drents. Bandleden kunt hun eigen muziekteksten in het Drents schrieven of umzetten. En schrievers kunt perberen hun schrieverstalent ies in een muzikale vörm te gieten.
Nou in dizze tied de rippetities niet deur gaot, kunt al die muziekliefhebbers toch nog gangs gaon met heur liefhebberij deur een cursus liedteksten schrieven te volgen. Elke liefhebber van muziek en van de streektaal kan met an doen.
In de vief lessen kriej instructies van Martijje en ok huuswark. Dat wordt in de les ok besproken. Ok giet het over vertaolen versus hertaolen. En over de zingbaorheid en het ritme van teksten. Daorbij komt ok de varianten van het Drents veurbij. De lessen bint op de woensdagaovend op 13 en 27 jannewari, op 10 en 17 febrewari en op 10 meert um 20.00 uur. De kosten bint € 50,- veur vief lessen.
Meer info is te vinden op huusvandetaol.nl/cursussen en op het YouTubekanaal van het Huus van de Taol.
er info is te vinden op huusvandetaol.nl/cursussen en op het YouTubekanaal van het Huus van de Taol.
