Aal jaor zöch streektaolorganisatie Huus van de Taol een Mooiste Drentse Woord. Gewoon, um te laoten zien wat veur taolige riekdom wij in oeze provincie hebt. Olde woorden, neie woorden, speciale woorden of woorden die as gewoon mooi klinkt: allemaol kuj ze veur dizze verkiezing insturen.
Van vrijdag 4 tot an vrijdag 11 december kuj een woord insturen. Op 14 december heur ie bij radio Drenthe dan welke vief woorden het miest inzunden bint. Nao een stemweek wordt dan het Mooiste Drentse Woord van 2020 prissenteerd.
Stuur je antwoord in via www.huusvandetaol.nl/mooiste-drentse-woord
Nao het tellen van de stemmen wordt op 21 december het Mooiste Drentse Woord prissenteerd bij Radio Drenthe. Oet alle inzendingen wordt er drei beloond mit een schier priezenpakket van het Huus van de Taol.
